17:52 Хьайн некъах ма тила | |
И хабар массанхьа а д1асадаьржина. Цунна т1е дукха нах таттабелла. Х1ора а хилла цунах дагавала лууш, цуьнгара накъосталла оьшуш. Эвлаяа цхьанна а инкарло еш ца хилла, массеран а г1уллакхе хьоьжуш хилла. Цкъа цхьана дийнахь хьолада веана и волчу, безчу механ поштица, безчу механ духаршца кечвелла. Беркъачу духарца, къоьллехь вехаш волу эвлаяъ гича реза ца хилла и ша беанчу некъана. Цо аьлла: – Х1ай, ларамениг! Ма вон 1аш ву-кх хьо! Лерина цуьнга а хьаьжна, эвлаяа жоп делла: – Къен 1аш ву со, амма вон 1аш вац. Ц1ена некъ а бевзаш, цунна т1аьхьаваза ницкъ а болуш, амма цу новкъа ца воьдург ву вон 1аш… ("Малхбален дийцарш" цикла юкъара) | |
| Къастар: Гоч | Хьовсна: 614 | | |
| Т1еаларш: 0 | |